कोरोना संक्रमितको संख्या दिनहुँ बढ्दै

काठमाडौं । नेपालमा कोरोना भाइरस संक्रमितहरुको संख्या दिनहुँ बढिरहेको छ । शनिबार विहान ३२ जनामा कोरोना संक्रमण पुष्टि भएसँगै नेपालमा ५ सय ४८ जना पुगेका छन् ।
आज काठमाडौंका साथै कपिलवस्तु, सर्लाही, रुपन्देहीलगायतका जिल्लामा कोरोना संक्रमित भेटिएका हुन् । स्वास्थ्य तथा जनसंख्या मन्त्रालयका अनुसार सर्लाहीको गोडैता र कविलासी नगरपालिकामा १३ जना संक्रमित भेटिएका छन् । त्यस्तै कपिलवस्तुको वाणगंगा नगरपालिकामा ८ जना संक्रमित भेटिएका छन् ।

रुपन्देहीको गैडहवा र रोहिणी गाउँपालिकामा ८ जना, बाराको करैयामाई गाउँपालिका, चितवनको भरतपुर महानगरपालिका(६ र काठमाडौं जिल्लामा पनि एकरएक जना संक्रमित भेटिएका मन्त्रालयका सहप्रवक्ता डा। समीरकुमार अधिकारीले जानकारी दिए ।
संक्रमित मध्ये ७० जना पूर्णरुपमा निको भइसकेका छन् भने तीन जनाको मृत्यु भइसकेको छ ।