२४ घण्टामा थपिए २७८ जना संक्रमित

काठमााडौं । पछिल्लो २४ घण्टामा नेपालमा २७८ जनामा कोरोना संक्रमित थपिएका छन् । स्वास्थ्य तथा जनसंख्या मन्त्रालयको नियमित पत्रकार सम्मेलनमा मन्त्रालयका प्रवक्ता डा. विकास देवकोटाका अनुसार देशभरमा २७८ जनाको रिपोर्ट पोजिटिभ आएको छ । संक्रमितमध्ये २६७ पुरुष र ११ महिलामा रहेका छन्। योसँगै नेपालमा कोरोना संक्रमितको संख्या २ हजार ९ सय १२ पुगेको छ।
संक्रमितमध्ये २ हजार ७ सय १७ पुरुष र १९५ जना महिला रहेको प्रवक्ता देवकोटाले बताएका छन् ।
हालसम्म नेपालका ६८ जिल्लामा कोरोनाको संक्रमण देखिएको छ ।
त्यस्तै आजमात्रै देशभरका विभिन्न अस्पतालबाट ४३ जना उपचारपछि निको भएर घर फर्केका छन्। योसँगै डिस्चार्ज हुनेको संख्या ३३३ पुगेको प्रवक्ता देवकोटाले बताएका छन् ।