२४ घण्टामा थपिए २१३ जना कोरोना संक्रमित

काठमाडौं । नेपालमा पछिल्लो २४ घण्टामा २ सय १३ कोरोना भाइरसका संक्रमित थपिएका छन्। आइतबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा। विकास देवकोटाले दिएका जानकारी अनुसार देशभर गरेर पछिल्लो २४ घण्टामा २ सय १३ जनामा कोरोना पोजिटिभ देखिएको हो।
संक्रमितमध्ये २ सय ९ पुरुष र ४ जना महिला रहेको प्रवक्ता देवकोटाले बताएका छन् ।
आज थपिएका समेत गरेर नेपालमा कोरोना संक्रमितको संख्या ३ हजार ४ सय ४८ पुगेको छ । त्यस्तै पछिल्लो २४ घण्टामा १ सय २ जना निको भएर डिस्चार्ज भएका छन् । उनीहरु समेत गरेर डिस्चार्ज हुनेको संख्या ४ सय ६७ जना पुगेको छ ।

प्रवक्ता डा. देवकोटाका अनुसार हालसम्म देशका ७० जिल्लामा संक्रमण देखिएको छ। त्यस्तै हालसम्म कोरोनाबाट मृत्यु हुनेको संख्या १३ जना छ ।