थपिए ३ सय १४ कोरोना संक्रमित, संक्रमितको संख्या ३ हजार ७ सय ६२ पुग्यो

काठमाडौं । नेपालमा पछिल्लो २४ घण्टामा ३ सय १४ जनामा कोरोना भाइरसको संक्रमण पुष्टि भएको छ ।
विभिन्न प्रयोगशालामा गरिएको परीक्षणका क्रममा थप ३ सय १४ जनामा कोरोना भाइरसको संक्रमण पोजेटिभ देखिएको स्वास्थ्य मन्त्रालयका प्रवक्ता डा. जागेश्वर गौतमले बताएका छन् ।
स्वास्थ्य तथा जनसंख्या मन्त्रालयको नियमित पत्रकार सम्मेलनमा प्रवक्ता गौतमले दिएको जानकारी अनुसार आज थपिएका सहित नेपालमा संक्रमितको संख्या ३ हजार ७ सय ६२ पुगेको छ ।
त्यस्तै नेपालमा हालसम्म ४ सय ८८ जना उपचारपछि निको भएका छन् भने १४ जनाको मृत्यु भएको छ ।
प्रवक्ता डा गौतमका अनुसार हालसम्म देशका ७१ जिल्लामा संक्रमण देखिएको छ।