२ सय ७९ जना कोरोना संक्रमित थपिए, संक्रमितको संख्या ४३ सय ६४ पुग्यो

काठमाडौं । नेपालमा पछिल्लो २४ घण्टामा २ सय ७९ जना कोरोना संक्रमित थपिएका छन्। आज नियमित पत्रकार सम्मेलनमा स्वास्थ्य तथा जनसंख्या मन्त्रालयले दिएको जानकारी अनुसार देशका विभिन्न प्रयोगशालामा भएको परीक्षणमा २ सय ७९ जनाको पीसीआर रिपोर्ट पोजिटिभ आएको हो ।
मन्त्रालयका प्रवक्ता प्रा.डा. जागेश्वर गौतमका अनुसार संक्रमितमध्ये २ सय ५७ जना पुरुष र २२ जना महिला रहेका छन् । योसँगै नेपालमा कोरोना संक्रमितको संख्या ४ हजार ३ सय ७३ पुगेको छ। जसमा ४ हजार ५५ जना पुरुष र ३ सय ९ जना महिला रहेका छन्।
त्यस्तै पछिल्लो २४ घण्टामा २ महिला र ८८ पुरुष गरी ९० जना डिस्चार्ज भएका छन् । योसँगै डिस्चार्ज हुनेको संख्या ६ सय ७४ पुगेको छ । नेपालमा हाालसम्म कोरोना भाइरसका कारण मृत्यु हुनेको संख्या १५ रहेको छ ।