थप ४ सय २६ जनामा कोरोना संक्रमण, संक्रमितको संख्या ८२७४ पुग्यो

काठमाडौं । पछिल्लो २४ घण्टामा नेपालमा थप ४ सय २६ जनामा कोरोना भाइरसको संक्रमण देखिएको छ।
स्वास्थ्य तथा जनसंख्या मन्त्रालयले शुक्रबार दिएको जानकारी अनुसार पछिल्लो २४ घण्टामा देशका विभिन्न प्रयोगशालामा गरिएको परीक्षणका क्रममा यी व्यक्तिमा कोरोना भाइरसको संक्रमण पोजेटिभ देखिएको हो।
यीमध्ये ८८ जना महिला हुन् भने ३ सय ३८ जना पुरुष हुन्।
पछिल्लो २४ घण्टामा २ सय १६ जना डिस्चार्ज भएका छन् । यी समेत गरि हालसम्म १ हजार ४ सय २ जना कोरोना संक्रमण निको भई डिस्चार्ज भएका छन् ।
देशका ७४ जिल्लामा संक्रमण देखिएको छ भने नेपालमा हालसम्म २२ जनाको भने कोरोना संक्रमणका कारण मृत्यु भएको छ । नेपालमा संक्रमितको संख्या ८ हजार २ सय ७४ पुगेको छ ।