विश्वमा कोरोना संक्रमितको संख्या करोड नाघ्यो

काठमाडौं । विश्वमा हालसम्म कोरोना भाइरस संक्रमितको संख्या १ करोडभन्दा बढी पुगेको छ। जोन्स होप्किन्स विश्वविद्यालय (जेएचयू) ले तयार पारेको तथ्यांक अनुसार विश्वमा कुल कोरोना संक्रमितको संख्या १ करोड १ हजार ५ सय २७ जना पुगेको छ। नेपाली समय अनुसार यो आइतबार दिउँसो साढे ४ बजेको तथ्यांक हो।

कोरोना संक्रमित भएका आधाभन्दा बढी भने निको भएका छन्। हालसम्म ५९ लाख ६५ हजार ८ सय ६९ जना निको भएका छन्।

विश्वमा ४ लाख ९९ हजार १ सय २४ जना कोरोना संक्रमितको भने मृत्यु भएको तथ्यांक छ।