नेपालमा कोरोना संक्रमणमुक्त हुने ६६.२४ प्रतिशत

काठमाडौं । स्वास्थ्य मन्त्रालयका प्रवक्ता डा जागेश्वर गौतमले आइतबारसम्म संक्रमणमुक्त हुने ६६।२४ प्रतिशत अर्थात११ हजार ६९५ पुगेको जानकारी दिएका छन् । डा गौतमका अनुसार आज मात्र ५८ जना कोरोनाभाइरस संक्रमणमुक्त भएका छन् ।
नेपालमा कोरोनाभाइरस संक्रमितको कूल १७ हजार ६५८ संख्या पुगेको छ भने हालसम्म ६६।२४ प्रतिशत निको भएसँगै सक्रिय संक्रमितको संख्या ५ हजार ९६३ जना रहेको र बितेको २४ घण्टामा २७ प्रयोगशालाबाट ३ हजार ७४१ जनाको नमुना परीक्षण भएको जानकारी प्रवक्ता डा जागेश्वर गौतमले आइतवारको प्रेश मिटिङ्ग दिए । आज मात्र काठमाडौंका १ र ललितपुरका २ गरी थप १५६ जनामा कोरोनाभाइरस संक्रमण पुष्टि भएको छ ।

हाल सम्म नेपालमा कोरोनाभाइरस संक्रमणबाट ४० जनाले ज्यान गुमाईसकेको र ८ जिल्ला कोरोनाभाइरस संक्रमण मुक्त, रहेको गौतमले जानकारी दिए ।