चैत्यदेवी सिंह पुरस्कारः महजोडीलाई

काठमाण्डौ । भुवन चैत्य बसुन्धरा फाउन्डेशनले हरेक बर्ष यो पुरस्कार प्रदान गर्दै आएको ‘चैत्यदेवी सिंह पुरस्कार’ यस बर्षको मह जोडी मदनकृष्ण श्रेष्ठ र हरिवंश आचार्यलाई प्रदान गरिएको छ ।

मह जोडीलाई लामो समयदेखि नेपाली कला क्षेत्रमा योगदान पुर्याएको भन्दै पुरस्कार प्रदान गरिएको हो ।

चैत्यदेवी सिंह पुरस्कार बितरण कमिटिले राजधानीमा एक कार्यक्रमको आयोजना गर्दै मह जोडीलाई नगद ५१ हजार सहित सम्मान पत्र हस्तान्तरण गरेको थियो ।