आज थप ५ सय ८१ जनामा कोरोना पुष्टि
काठमाण्डौ । पछिल्लो २४ घण्टामा थप ५ सय ८१ जनामा कोरोना पुष्टि भएको छ। थपिएका संक्रमितमा १ सय ७३ महिला र ४ सय ८ पुरुष रहेको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले बताएका छन् ।
आज थपिएका यीसहित हालसम्म संक्रमित हुनेको संख्या २७ हजार २ सय ४१ पुगेको र विगत २४ घण्टामा १ सय ६० जना निको भइ घर फर्किएका छन्। हालसम्म कोरोनाबाट निको हुनेको संख्या १७ हजार ४ सय ९५ पुगेको छ । भने देशभर सक्रिय संक्रमितको संख्या ९ हजार ६ सय ३९ रहेको छ ।
आजमात्र मृत्यु हुनेको संख्या ३ जना रहेको छ । यो समेत हाल सम्म १ सय ७ जनाको मृत्यु कोरोनाबाट भएको पुष्टि भएको छ
हालसम्म ५ लाख २९ हजार ४ सय २७ जनाको पिसिआर परीक्षण भएको छ।