गुल्मीको इस्मा गाउँपालिका मल्दीमा राहत सहयोग हस्तान्तरण
गुल्मीको इस्मा गाउँपालिका मल्दीमा राहत सहयोग हस्तान्तरण गरिएको छ । जिल्लाको इस्मा गाउँपालिका–१ मल्दीमा गत असार १८ गते पहिरोमा परी परिवारका सदस्य गुमाएका दुई जनालाई राहत स्वरुप आर्थिक रुपैँया हस्तान्तरण गरिएको हो । ग्रिनविच भलिबल क्लब युकेद्वारा प्राप्त भएको रु ३२ हजार रुपैँया आइतबार एक कार्यक्रमका बीच हस्तान्तरण गरिएको हो ।
पहिरोमा परि परिवारका सदस्य गुमाएका चेत बहादुर शारु तथा टिका बहादुर खत्रीको परिवारलाई प्रति परिवार रु १६ हजारका दरले राहत सहयोग प्रदान गरिएको थियो ।
राहत रकम हस्तान्तरण कार्यक्रममा ग्रिनविच भलिबल परिवार युकेका अध्यक्ष रविन्द्र रोका, सचिव कृष्ण खरेल, सह–सचिव कर्मा पहाडी शर्मा, कोषाध्यक्ष राज कटुवाल, सह कोषाध्यक्ष सोम कुवँर तथा क्लबका संरक्षकहरु कमल राना, विनोद ज्ञवाली, खड्क रेश्मीलाई विपत्तिको समयमा गरेको सहयोगप्रति धन्यवाद ज्ञापन गरिएको थियो ।
सहयोग हस्तान्तरण कार्यक्रममा इस्मा गाउँपालिका–१ का वडाअध्यक्ष चुरा बहादुर खत्री, वडासदस्यहरु यम बहादुर कुवँर, जंग बहादुर केसी, बिष्णु खत्री, माया सुनार लगायतको सहभागीता रहेको थियो ।
समाजसेवि समेत रहनुभएका बाबुराम पन्थीको नेतृत्वमा पनि पीडितहरुलाई सहयोगका लागि आर्थिक रुपैँया संकलन् भएको छ । सो रकम केही दिन पछि हस्तान्तरण गर्ने पन्थीले जानकारी दिनुभएको छ ।