एकै दिन थपिए ७०७ जनामा कोरोना संक्रमित, ६ जनाको मृत्यु

काठमाडौं । नेपाल आज एकै दिन ७ सय ७ जनामा कोरोना भाइरसका संक्रमित थपिएका छन् ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिएअनुसार पछिल्लो २४ घन्टामा थपिएका ७ सय ७ गरी नेपालमा कोरोना संक्रमित हुनेको संख्या २९ हजार ६ सय ४५ जना पुगेको छ।
आज थपिएकाहरु मध्ये काठमाडौं उपत्यकाका मात्रै २०० जना छन् । काठमाडौंमा १ सय ७४, ललितपुरमा १८ र भक्तपुरमा ८ जना कोरोना संक्रमित देखिएको मन्त्रालयका प्रवक्ता गौतमले बताएका छन्।
त्यस्तै पछिल्लो २४ घण्टामा २ सय ६४ जना निको भएका छन् । योसँगै नेपाल हालसम्म १७ हजार ९६४ जना निको भएका छन् ।
त्यस्तै पछिल्लो २४ घण्टामा ६ जना कोरोना संक्रमितको मृत्यु भएसँगै मृत्यु हुनेको संख्या १ सय २६ पुगेको छ ।