उपत्यकामा एकै दिन थपिए २ सय २४ संक्रमित

काठमाडौं । पछिल्लो २४ घण्टामा काठमाडौँ उपत्यकामा २ सय २४ जनामा कोरोना भाइरसको संक्रमित थपिएका छन् ।
स्वास्थ्य तथा जनसंख्या मन्त्रालयले सोमवार दिएको जानकारी अनुसार काठमाडौँमा १७७ जना, ललितपुरमा ३३ जना र भक्तपुरमा १४ जनामा कोरोना पुष्टि भएको हो।
आज देशभरमा ७ सय ४३ जना कोरोना संक्रमण पुष्टि भएको छ । आज थपिएका समेत गरेर कुल संक्रमितको संख्या ३२ हजार ६७८ पुगेको छ ।
त्यस्तै पछिल्लो २४ घण्टामा १७५ जना कोरोना संक्रमण निको भई डिस्चार्ज भएको मन्त्रालयले जनाएको छ । हालसम कोरोना संक्रमणबाट मुक्त हुनेको संख्या १८ हजार ८०६ पुगेको छ ।
त्यस्तै पछिल्लो २४ घण्टामा आठ जनाको मृत्यु भएसँगै मृतकको संख्या १५७ पुगेको मन्त्रालयले जनाएको छ ।