पछिल्लो २४ घण्टामा १ हजार १७० संक्रमित थपिए, कुन जिल्लामा कति ?
काठमाडौं । नेपालमा पछिल्लो २४ घण्टामा थप १ हजार १७० जनामा कोरोना भाइरसको संक्रमण पुष्टि भएको छ।
स्वास्थ्य तथा जनसंख्या मन्त्रालयले सोमबार अपरान्ह दिएको जानकारी अनुसार काठमाडौँ उपत्यकामा ५१२ सहित देशभरका थप १ हजार १७० जनामा कोरोना संक्रमण पुष्टि भएको हो।
प्रवक्ता गौतमका अनुसार आज थपिएका समेत गरेर नेपालमा कोरोना संक्रमितको संख्या ५५ हजार ३२९ पुगेको छ भने सक्रिय संक्रमितको संख्या १५ हजार ३९३ रहेका छन् ।
आज थप १० हजार ८७८ पीसीआर परीक्षण भएको छ। यो सहित जम्मा पीसीआर संख्या ८ लाख ५१ हजार ४०५ पुगेको छ ।
त्यस्तै पछिल्लो २४ घण्टामा थप ८७९ जना कोरोना संक्रमित निको भएका छन् । योसँगै नेपालमा कोरोना निको हुनेको संख्या ३९ हजार ५७६ पुगेको छ।
त्यस्तै पछिल्लो २४ घण्टामा देशभरमा १५ जनाको निधन भएको छ । स्वास्थ्य मन्त्रालयका अनुसार ५ महिला र १० पुरुष छन् । यो सहित नेपालमा कोरोनाका कारण निधन हुनेको संख्या ३६० पुगेको छ ।
आज कहाँ कति संक्रमित थपिए ?
