एक हजार ५५९ संक्रमित थपिए, १ हजार ५७ डिस्चार्ज

काठमाडौं । नेपालमा पछिल्लो २४ घण्टामा १ हजार ५ सय ५९ जना संक्रमित थपिएका छन् । सक्रमित मध्ये काठमाडौं उपत्यकाका ९०२ जना रहेको स्वास्थ्य तथा जनसंख्या मन्त्रालयले जनाएको छ ।
आज थपिएका समेत गरेर नेपालमा कोरोना संक्रमितको संख्या ७७ हजार ८१७ पुगेको मन्त्रालयले जनाएको छ ।
मन्त्रालयका अनुसार पछिल्लो २४ घण्टामा १ हजार ५७ जना डिस्चार्ज भएका छन् । हालसम्म कोरोना मुक्त हुनेको संख्या ५६४२८ पुगेको छ ।
मन्त्रालयका अनुसार सक्रिय संक्रमित २० हजार ८९१ रहेका छन् । उनीहरु मध्ये १० हजार ८०४ जना होम आइसोलेसनमा रहेका छन् भने १० हजार ८७ जना संस्थागत आइसोलेसनमा रहेका छन् ।
त्यस्तै पछिल्लो २४ घण्टामा सात जनाको मृत्यु भएको छ । यो सँगै नेपालमा कोरोना संक्रमणबाट मृत्यु हुनेको संख्या ४९८ जना पुगेको छ ।