काठमाडौं उपत्यकामा एकैदिन थपिए १६३८ संक्रमित

काठमाडौं । पछिल्लो २४ घण्टामा काठमाडौं उपत्यकामा मात्रै एक हजार ६३८ जनामा सङ्क्रमित थपिएका छन् ।
स्वास्थ्य तथा जनसंख्या मन्त्रालयका अनुसार काठमाडौंमा एक हजार २८०, ललितपुरमा १६२ र भक्तपुरमा १९६ मा सङ्क्रमणको पुष्टि भएको हो ।
पछिल्लो २४ घण्टामा देशभरमा दुई हजार ७ सय २२ संक्रमित थपिएका छन् । नेपालमा कुल सङ्क्रमितको संख्या ८२ हजार ४५० पुगेको छ ।
त्यस्तै पछिल्लो २४ घण्टामा तीन हजार ३०७ जना कोरोनाभाइरस सङ्क्रमित निको भएर घर फर्केका छन् ।
हालसम्म ६० हजार ६९६ जना सङ्क्रमित निको भएका छन् ।
त्यस्तै पछिल्लो २४ घण्टामा ११ जना सङ्क्रमितको मृत्यु भएको छ । योसँगै नेपालमा कोरोनाका कारणले मृत्यु हुनेको संख्या ५२० पुगेको छ ।