काठमाडौं उपत्यकामा थपिए २५४० मा सङ्क्रमित

काठमाडौं । आज काठमाडौं उपत्यकामा मात्र २ हजार ५४० जनामा कोरोनाभाइरस सङ्क्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा काठमाडौंमा २ हजार ८५, ललितपुरमा ३२० र भक्तपुरमा १३५ मा सङ्क्रमण पुष्टि भएको हो ।
मन्त्रालयका अनुसार पछिल्लो २४ घण्टामा देशभरमा गरेर १८ हजार ४७३ जनाको आरटीपीसीआर परीक्षण गरिएकोमा चार हजार ३६४ जनामा सङ्क्रमणको पुष्टि भएको छ । जुन अहिलेसम्मकै सबैभन्दा बढी हो । नेपालमा कुल सङ्क्रमित ९८ हजार ६१७ पुगेको छ ।
मन्त्रालयका अनुसार पछिल्लो चौबीस घण्टामा देशैभरिबाट दुई हजार ६७५ जना सङ्क्रमित निको भएर घर फर्केका छन् । ७१ हजार ३४३ जना कोरोनामुक्त भएका छन् । सङ्क्रमित निको हुने दर ७२।३ प्रतिशत हो । सक्रिय सङ्क्रमित २६ हजार ६८४ पुगेको छ ।