उपत्यकामा थपिए २ हजार १२९ मा सङ्क्रमित
काठमाडौं । पछिल्लो २४ घण्टामा काठमाडौं उपत्यकामा दुई हजार १२९ जनामा कोरोनाभाइरसका सङ्क्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार काठमाडौंमा १ हजार ७४६, ललितपुरमा २१६ र भक्तपुरमा १६७ मा सङ्क्रमणको पुष्टि भएको हो ।
मन्त्रालयका अनुसार पछिल्लो २४ घण्टामा देशभरमा गरेर तीन हजार ५५६ जनामा सङ्क्रमणको पुष्टि भएको छ ।
त्यस्तै देशैभरिबाट एक हजार ५०३ जना सङ्क्रमित निको भएर घर फर्केका छन् । आज निको भएको समेत गरेर नेपालमा ७८ हजार ७८० जना कोरोनामुक्त भएका छन् । सक्रिय सङ्क्रमित ३५ हजार ९१५ पुगेको छ ।
पछिल्लो २४ घण्टामा १५ हजार ५७७ जनाको आरटीपीसीआर परीक्षण भएको थियो ।