उपत्यकामा थपिए एक हजार ४०३ मा सङ्क्रमित

काठमाडौं । पछिल्लो २४ घण्टामा काठमाडौं उपत्यकामा कोरोनाभाइरसका एक हजार ४०३ जनामा सङ्क्रमित थपिएका छन् । स्वास्थ्य तथा जनसंख्या मन्त्रालयका अनुसार काठमाडौंमा एक हजार ९९६, ललितपुरमा ३०५ र भक्तपुरमा १०२ मा सङ्क्रमण पुष्टि भएको हो ।
मन्त्रालयका अनुसार पछिल्लो २४ घण्टामा देशैभरिबाट दुई हजार १७४ जना सङ्क्रमित निको भएर घर फर्केका छन् । ८० हजार ९५४ जना कोरोनामुक्त भएका छन् । सक्रिय सङ्क्रमित ३६ हजार ३६७ पुगेको छ ।
त्यस्तै पछिल्लो २४ घण्टामा दुई हजार ६३८ जनामा सङ्क्रमणको पुष्टि भएको छ । नेपालमा कुल सङ्क्रमित एक लाख १७ हजार ९९६ पुगेको छ ।
त्यस्तै नेपालमा पछिल्लो २४ घण्टामा थप १२ जना कोरोना संक्रमितको मृत्यु भएको छ । योसँगै नेपालमा कोरोना संक्रमित मृतकको संख्या ६ सय ७५ पुगेको स्वास्थ्य तथा जनसंख्या मन्त्रालयले जनाएको छ।