थपिए २६३८ जना संक्रमित, २१७४ डिस्चार्ज

काठमाडौं । पछिल्लो २४ घण्टामा कोरोना भाइरसका संक्रमित २ हजार ६३८ थपिएका छन् । आज थपिएका समेत गरेर नेपालमा सङ्क्रमितको संख्या एक लाख १७ हजार ९९६ जना पुगेको छ ।
स्वास्थ्य तथा जनसंख्या मत्रालयका अनुसार पछिल्लो २४ घण्टामा २ हजार १७४ जना निको भएका छन् । नेपालमा कोरोना संक्रमणबाट मुक्त हुनेको संख्या ८० हजार नौ सय ५४ जना पुगेको छ ।
नेपालमा भाइरसका सक्रिय संक्रमित ३६ हजार ३६७ जना छन् । उनीहरु मध्ये संस्थागत आइसोलेसनमा १४ हजार ८१९ रहेका छन् । होम आइसोलेसनमा २१ हजार ५४८ छन् ।
त्यस्तै नेपालमा पछिल्लो २४ घण्टामा थप १२ जना कोरोना संक्रमितको मृत्यु भएको छ । योसँगै नेपालमा कोरोना संक्रमित मृतकको संख्या ६ सय ७५ पुगेको स्वास्थ्य तथा जनसंख्या मन्त्रालयले जनाएको छ।
पछिल्लो २४ घण्टामा १३ हजार ९४७ पीसीआर परीक्षण भएको थियो । त्यो संख्या सहित नेपालमा हालसम्म १२ लाख २१ हजार ३८ पीसीआर परीक्षण भएको छ ।