थपए २९४२ जना कोरोना संक्रमित, संक्रमितको संख्या १ लाख ३२ हजार २४६ पुग्यो

काठमाडौं । नेपालमा पछिल्लो २४ घण्टामा २ हजार ९४२ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार आज थपिएका समेत गरेर कुल संक्रमितको संख्या १ लाख ३२ हजार २४६ जना पुगेको छ।
त्यस्तै हाल देशभर ३९ हजार ३४१ जना सक्रिय संक्रमित छन् ।
हालसम्म १२ लाख ८३ हजार ३५४ जनाको पिसिआर परीक्षण भएको छ।
आज थपिएका मध्ये काठमाडौं उपत्यकामा १ हजार ६९८ जना कोरोना संक्रमित छन् । काठमाडौंमा १४६९ जना, भक्तपुरमा ९९ र ललितपुरमा १३० जना नयाँ संक्रमित भेटिएको मन्त्रालयका प्रवक्ता डा जागेश्वर गौतमले जानकारी दिएका हुन् ।
त्यस्तै पछिल्लो २४ घण्टामा २३२६ सक्रमित निको भएका छन् । नेपालमा हालसम्म ९२ हजार १६६ जना सङ्क्रमित निको भएर घर फर्केका छन् । निको हुने दर विगतको तुलनामा केही दिनदेखि कम हुँदै गइरहेको मन्त्रालयले जनाएको छ । हाल क्वारेन्टाइनमा रहनेको संख्या ४ हजार ८३१ छ।
त्यस्तै पछिल्लो २४ घण्टामा १२ जनाको कोरोना भाइरसका कारण मृत्यु भएको छ । योसँगै नेपालमा कोभिड–१९ को कारणले मृत्यु हुनेको संख्या ७३९ पुगेको छ ।