काठमाडौं उपत्यकामा थपिए १७०२ मा सङ्क्रमित

काठमाडौं । काठमाडौं उपत्यकामा पछिल्लो २४ घण्टामा एक हजार ७०२ जना सङ्क्रमित थपिएका छन् । स्वास्थ्य तथा जनसंख्या मन्त्रालयका अनुसार काठमाडौंमा एक हजार ४३१, ललितपुरमा १२३ र भक्तपुरमा १४८ जना नयाँ सङ्क्रमित पुष्टि भएका छन् ।
त्यस्तै पछिल्लो २४ घण्टामा देशैभरि तीन हजार ९३ सङ्क्रमित थपिएका छन् । १३ हजार ५५९ जनाको आरटीपीसीआर परीक्षण गरिएको छ । हालसम्म करिब १३ लाख १४ हजार जनाको पीसीआर परीक्षण गरिएको मन्त्रालयले जनाएको छ । जसमध्ये एक लाख ३९ हजार १२९ जनामा सङ्क्रमणको पुष्टि भएको छ ।
त्यस्तै पछिल्लो २४ घण्टामा दुई हजार १०८ जना सङ्क्रमित निको भएर घर फर्केका छन् । हालसम्म ९६ हजार ६०९ जना सङ्क्रमित निको भएका छन् ।