उपत्यकामा थपिए ३१०७ जनामा संक्रमित

काठमाडौं । काठमाडौं उपत्यकामा पछिल्लो २४ घण्टामा मात्र थप ३ हजार १०७ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार काठमाडौंमा २३९१ जना, ललितपुरमा ५४३ र भक्तपुरमा १७३ जना संक्रमित थपिएका हुन ।
मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा देशभरमा ५ हजार ७४३ जनामा कोरोना पुष्टि भएको छ । मन्त्रालयका अनुसार आज थपिएका समेत गरेर सङ्क्रमितको कुल संख्या एक लाख ४४ हजार ८७२ पुगेको छ ।
त्यस्तै पछिल्लो २४ घण्टामा थप २ हजार ९ सय ९६ जना कोरोना संक्रमित संक्रमणमुक्त भएका छन् । यो सँगै नेपालमा कोरोना संक्रमण मुक्त हुनेको संख्या ९९ हजार ६ सय ५ जना पुगेको छ ।