थप ५७४३ नामा कोरोना संक्रमण, २६ जनाको मृत्यु

काठमाडौं । नेपालमा पछिल्लो २४ घण्टामा मात्र ५ हजार ७४३ जनामा कोरोना संक्रमण भएको छ । स्वास्थ्य तथा जनसंख्या मन्त्रालयका अनुसार आज थपिएका समेत गरेर नेपालमा सङ्क्रमितको संख्या एक लाख ४४ हजार ८७२ जना पुगेको छ ।
त्यस्तै पछिल्लो २४ घण्टामा थप २ हजार ९ सय ९६ जना कोरोना संक्रमित संक्रमणमुक्त भएका छन् । यो सँगै नेपालमा कोरोना संक्रमण मुक्त हुनेको संख्या ९९ हजार ६ सय ५ जना पुगेको छ । मन्त्रालयको अनुसार संक्रमणमुक्त हुनेको संखया ६८।७ प्रतिशत रहेको छ।
स्वास्थ्य मन्त्रालयका अनुसार हाल ४४ हजार ४७६ जनामा भाइरसको सङ्क्रमण सक्रिय छ । सक्रिय संक्रमितहरु उपचारका लागि होम र संस्थागत आइसोलेसनमा बसेका छन् ।
मन्त्रालयका अनुसार आज २० हजार १ सय १८ जनाको पिसिआर परीक्षण भएको छ । यो सँगै १३ लाख १४ हजार ७ सय ७९ जनाको पिसिआर भएको मन्त्रालयले जनाएको छ।
त्यस्तै पछिल्लो २४ घण्टामा थप २६ जनाको मृत्यु भएसँगै नेपालमा कोरोना संक्रमणबाट मृत्यु हुनेको संख्या ७ सय ९१ पुगेको छ ।