थप ३६३७ संक्रमित, ३२१५ डिस्चार्ज, २१ जनाको मृत्यु

काठमाडौं । नेपालमा पछिल्लो २४ घण्टामा ३ हजार ६३७ कोरोना भाइरसका संक्रमित थपिएका छन् । आज थपिएका समेत गरेर नेपालमा कुल सङ्क्रमितको संख्या एक लाख ४८ हजार ५०९ पुगेको छ ।
त्यस्तै पछिल्लो २४ घण्टामा ३ हजार २१५ यति निको भएसँगै संक्रमण मुक्त हुनेको संख्या १ लाख २ हजार ८२० पुगेको छ । निको हुनेको दर ६९.२ प्रतिशत रहेको स्वास्थ्य तथा जनसंख्या मन्त्रालयले जनाएको छ ।
हाल भाइरसको संक्रमण ४४ हजार ८७७ जनामा सक्रिय रहेको मन्त्रालयका प्रवक्ता डा. जागेश्वर गौतमले बताएका छन् ।
मन्त्रालयका अनुसार सक्रिय संक्रमित मध्ये २९० जना आइसीयू र ७७ जना भेन्टिलेटरमा रहेर उपचार गराइरहेका छन् ।
त्यस्तै पछिल्लो २४ घण्टामा २१ जनाको कोरोना भाइरसका कारण मृत्यु भएको छ । योसँगै नेपालमा कोभिड–१९ को कारणले मृत्यु हुनेको संख्या ८१२ पुगेको छ ।