२४ घण्टामा थपिए उपत्यकामा २७२० कोरोना संक्रमित
काठमाडौं । पछिल्लो २४ घण्टामा काठमाडौं उपत्यकामा २ हजार ७२० कोरोना संक्रमित थपिएका छन । स्वास्थ्य तथा जनसंख्या मन्त्रालयका अनुसार काठमाडौंमा १ हजार ३५७ , ललितपुरमा २३६ र भक्तपुरमा १२७ जनालाई कोरोना संक्रमित थपिएका हुन ।
योसँगै काठमाडौंमा संक्रमितको संख्या ५४ हजार २४५ पुगेको छ । जसमध्ये काठमाडौंमा २० हजार १९६ संक्रमित निको भएका छन् भने १८६ संक्रमितको मृत्यु भएको छ।
त्यस्तै ललितपुरमामा संक्रमितको संख्या ७ हजार ५६० पुगेको छ। जसमध्ये २ हजार ५७४ जना संक्रमित निको भएका छन् भने हालसम्म ५३ संक्रमितको मृत्यु भएको छ ।
त्यस्तै भक्तपुरमा हालसम्म ५ हजार ४८ संक्रमित पुगेका छन् । उनीहरु मध्ये १ हजार ३६५ जना संक्रमित निको भएका छन् भने ५४ जनाका संक्रमितको मृत्यु भएको छ ।
पछिल्लो २४ घण्टामा देशभर ४ हजार ४९९ जना संक्रमित भएका छन् । संक्रमितको संख्या १ लाख ५३ हजार ८ पुगेको छ।
संक्रमणमुक्त हुनेको संख्या २४ घण्टामा २ हजार ६६८ छ। योसँगै हालसम्म १ लाख ५ हजार ४८८ पुगेको छ।
हाल देशभर ४६ हजार ६९१ जना सक्रिय संक्रमित छन्। आज देशभर १७ जना संक्रमितको मृत्यु भएसँगै नेपालमा कोरोनाबाट मृत्यु हुनेको संख्या ८२९ पुगेको छ ।