थपिए २८५६ जना संक्रमित, ३३३६ जना संक्रमणमुक्त

काठमाडौं । पछिल्लो २४ घन्टामा नेपालमा २ हजार ८ सय ५६ जना संक्रमित थपिएका छन् भने ३ हजार ३ सय ३६ जना संक्रमणमुक्त भएका छन् ।
स्वास्थ्य तथा जनसंख्या मनत्रालयका अनुसार पछिल्लो २४ घण्टामा १२ हजार ३ सय ११ जनाको पीसीआर टेस्ट गरिएको थियो ।
मन्त्रालयका अनुसार आज थपिएका समेत गरेर नेपालमा कुल सङ्क्रमितको संख्या एक लाख ५८ हजार ८९ पुगेको छ ।
त्यस्तै पछिल्लो २४ घण्टामा तीन हजार ३३६ जना कोरोना सङ्क्रमित निकोसँग संक्रमण मुक्त हुनेको संख्या एक लाख ११ हजार ६७० पुगेको छ ।
हाल ४५ हजार ५७२ जनामा भाइरसको सङ्क्रमण सक्रिय रहेको छ ।
त्यसैगरी, पछिल्लो २४ घण्टामा ५ जना सङ्क्रमितको मृत्यु भएसँगै कोरोनाभाइरसबाट मृत्यु हुनेको संख्या ८४७ पुगेको छ ।