उपत्यकामा थप १४६८ जनामा संक्रमण

काठमाडौं । पछिल्लो २४ घण्टामा काठमाडौं उपत्यकामा १ हजार ४६८ कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार काठमाडौंमा १ हजार २ सय ४२, भक्तपुरमा ६३ र ललितपुरमा १६३ जना थप संक्रमित थपिएका हुन ।
पछिल्लो २४ घण्टामा देशभर ३ हजार ११४ जना संक्रमित थपिएका छन् । आज थपिएका समेत गरेर नेपालमा कुल संक्रमितको संख्या १ लाख ७९ हजार ६१४ पुगेको छ।
पछिल्लो २४ घण्टामा थप २० जना कोरोना संक्रमितको मृत्यु भएको छ। योसँगै नेपालमा कोरोना संक्रमित मृतकको संख्या १ हजार ४ पुगेको मन्त्रालयले जनाएको छ।