थप २७३६ जनामा कोरोना संक्रमण, २२ जनाको मृत्यु

काठमाडौं । नेपालमा पछिल्लो २४ घण्टामा थप २ हजार ७३६ जनामा कोरोनाभाइरस सङ्क्रमण पुष्टि भएको छ भने २२ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार नेपालमा कुल संक्रमितहरुको संख्या १ लाख ९९ हजार ७६० पुगेको छ ।
त्यस्तै पछिल्लो २४ घन्टामा ८५३ जना निको भएका छन् । नेपालमा कोरोनाभाइरस संक्रमणबाट निको हुनेको संख्या १ लाख ६० हजार ५७७ पुगेको छ ।
संक्रमित मध्ये आजसम्म ३८ हजार ५८३ जनामा भाइरस सक्रिय रहेको छ ।
नेपालमा हालसम्म १५ लाख ६४ हजार २ सय १४ जनाको पिसिआर परीक्षण भएको छ। हाल १ हजार ५८ जना क्वारेन्टाइनमा रहेको मन्त्रालयले जनाएको छ।
त्यस्तै पछिल्लो २४ घण्टामा थप २२ जनाको कोरोना भाइरसको संक्रमणका कारण मृत्यु भएको छ । योसँगै नेपालमा कोरोनाले ज्यान गुमाउनेको संख्या १ हजार १४८ पुगेको छ ।