थप २५६९ जनामा कोरोना संक्रमण, संक्रमितको संख्या २ लाख नाघ्यो

काठमाडौं । पछिल्लो २४ घण्टामा २ हजार ५६९ जनामा कोरोना सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार आज थपिएका समेत गरेर नेपालमा संक्रमितको कुल संख्या २ लाख २ हजार ३२९ पुगेको छ ।
मन्त्रालयका अनुसार पछिल्लो २४ घण्टामा १ हजार ६६६ जना सङ्क्रमित निको भएका छन् । उनी समेत गरेर हालसम्म १ लाख ६२ हजार २४३ जना सङ्क्रमित निको भएको छन् ।
संक्रमित मध्ये हाल ३८ हजार ९१२ जनामा सङ्क्रमण सक्रिय रहेको छ ।
त्यस्तै पछिल्लो २४ घण्टामा २६ जना सङ्क्रमितको मृत्यु भएको छ । हालसम्म मृत्यु हुनेको संख्या १ हजार १७४ पुगेको छ ।
पछिल्लो २४ घण्टामा १० हजार ८१ जनाको पीसीआर परीक्षण भएको र हालसम्म १५ लाख ७४ हजार २९५ जनाको आरटीपीसीआर परीक्षण भएको मन्त्रालयले जनाएको छ ।