थपिए २१०३ जना कोरोना संक्रमित, २८५८ जना निको, १७ जनाको मृत्यु

काठमाडौं । नेपालमा पछिल्लो २४ घण्टामा २ हजार १०३ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार नेपालमा कुल संक्रमितको संख्या २ लाख १५ हजार २० पुगेको छ । उनीहरु मध्ये २८ हजार १०६ जना सक्रिय संक्रमित छन् ।
त्यस्तै पछिल्लो २४ घण्टामा २ हजार ८५८ जना कोरोना संक्रमणमुक्त भएसँगै कुल निको हुनेको संख्या १ लाख ८५ हजार ६३८ पुगेको छ।
त्यस्ते २४ घण्टामा थप १७ जना कोरोना संक्रमितको मृत्यु भएसँगै नेपालमा कोरोना संक्रमणबाट मृत्यु हुनेको संख्या १ हजार २ सय ७६ पुगेको छ ।
नेपालमा हालसम्म १६ लाख ३३ हजार ५५९ जनाको पिसिआर परीक्षण भएको छ । हाल क्वारेन्टाइनमा ७६७ रहेको मन्त्रालयले जनाएको छ।