१९४५ संक्रमित थपिए, ५३६४ सङ्क्रमण मुक्त

काठमाडौं । पछिल्लो २४ घण्टामा १ हजार ९४५ जनामा कोरोनाभाइरसका सङ्क्रमित थपिएसँगै नेपालमा सङ्क्रमितको कुल संख्या २ लाख १६ हजार ९६५ पुगेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १० हजार ४४० जनाको आरटीपीसीआर परीक्षण गरिएको थियो । हालसम्म १६ लाख ४३ हजार ८९९ जनाको परीक्षण गरिएको छ ।
मन्त्रालयका अनुसार पछिल्लो २४ घण्टामा ५ हजार ३६४ जना सङ्क्रमित निको भएका छन् । हालसम्म एक लाख ९१ हजार २ जना सङ्क्रमित निको भइसकेका छन् । मन्त्रालयका अनुसार हाल २४ हजार ६६५ जनामा भाइरसको सङ्क्रमण सक्रिय छ ।
त्यस्तै पछिल्लो २४ घण्टामा २२ जना सङ्क्रमितको मृत्यु भएको छ । हालसम्म नेपालमा कोरोना सङ्क्रमणबाट एक हजार २९८ जनाको मृत्यु भएको छ ।