प्रचण्डकी नातिनीको गीतमा राजेश हमालको अभिनय

काठमाडौँ । नेपाली चलचित्र क्षेत्रका महानायक राजेश हमाल अभिनित नयाँ म्युजीक भिडियो सार्वजनिक गरिएको छ । गायक राजनराज सिवाकोटी र गायिका स्मिता दाहाल (नेकपा अध्यक्ष पुष्पकमल दाहाल ‘प्रचण्ड’ की नातिनी) को स्वरमा रहेको ‘मालिंगो’ बोलको गीतमा राजेश हमालसँगै गायिका स्मिता स्वयम्को अभिनय गरेकी छिन् ।
सुनिता नेपाल सुवेदीको शब्द र राजनराज सिवाकोटीको संगीत रहेको गीतको भिडियो सार्वजनिक भएको छोटो समयमै नेपालको युट्युव टेंन्डिंगमा आइसकेको छ । हिजो शनिबार यो गीतको भिडियो टे«न्डिङ्गको ९ नम्बरमा रहेको थियो ।
सुनिल क्षेत्रीको कोरियोग्राफी रहेको भिडियोलाई सरोज ओलीले निर्देशन गरेका छन् । नवराज उप्रेतीले खिचेको भिडियोलाई भुपेन्द्र अधिकारीको सम्पादन रहेको छ ।
भिडियोमा राजेश हमाल पत्रिका बेच्दै हिड्छन् भने स्मिता उनको पछि पछि लाग्छिन् ।