१६१४ जना संक्रमित थपिए, १४३७ निको, २३ जनाको मृत्यु

काठमाडौं । पछिल्लो २४ घण्टामा कोरोनाभाइरसका संक्रमित १ हजार ६१४ जना थपिएका छन् । आज थपिएका समेत गरेर नेपालमा सङ्क्रमितको संख्या दुई लाख २७ हजार ६४० पुगेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ९ हजार ४९१ जनाको आरटीपीसीआर परीक्षण गरिएको थियो । यो समेत गरेर हालसम्म १७ लाख जनाको परीक्षण गरिएको छ । हाल ६८० जना क्वारेन्टिनमा रहेको मन्त्रालयले जनाएको छ ।
त्यस्तै पछिल्लो २४ घण्टामा १ हजार ४३७ जना सङ्क्रमित निको भएको मन्त्रालयले जनाएको छ । हालसम्म निको हुने संक्रमितको संख्या २ लाख ९ हजार ४३५ जना पुगेको छ ।
मन्त्रालयका अनुसार हाल १६ हजार ७९३ जनामा भाइरसको सङ्क्रमण सक्रिय रहेको छ ।
मन्त्रालयले पछिल्लो २४ घण्टामा २३ जना सङ्क्रमितको मृत्यु भएको जनाएको छ । हालसम्म नेपालमा कोरोना सङ्क्रमणबाट एक हजार ४१२ जनाको मृत्यु भएको मन्त्रालयले जनाएको छ ।