कोरोनाबाट मृत्यु हुनेको संख्या १४३५ पुग्यो

काठमाडौं । नेपालमा कोरोना संक्रमणबाट एकै दिन थप २३ जनाको मृत्यु भएको छ।
स्वास्थ्य तथा जनसंख्या मन्त्रालयका अनुसार २४ घण्टामा २३ जनाको मृत्यु भएससँगै कोरोना संक्रमित मृतकको संख्या १ हजार ४ सय ३५ पुगेको छ ।
मन्त्रालयका अनुसार पछिल्लो २४ घण्टा १ हजार ७ सय ३ जना संक्रमित थपिएका छन् । यो समेत गरेर नेपालमा कुल संक्रमितको संख्या २ लाख २९ हजार ३ सय ४३ पुगेको छ ।
पछिल्लो २४ घण्टामा १ हजार २३६ जना सङ्क्रमित निको भएका छन् । हालसम्म निको हुनेको संख्या २ लाख ९ हजार ४३५ जना पुगेको छ । हाल १७ हजार २३७ जनामा भाइरसको सङ्क्रमण सक्रिय छ ।
गत २४ घण्टामा १० हजार ४ सय ६० जनाको पिसिआर परीक्षण भएको थियो । योसँगै नेपालमा पिसिआर परीक्षण हुनेको संख्या १७ लाख १० हजार ४ सय ६० लाख पुगेको छ । हाल ६ सय १ जना क्वारेन्टाइनमा रहेको मन्त्रालयले जनाएको छ ।