गुल्मीमा जिप दुर्घटना हुँदा ६ जनाको मृत्यु
गुल्मीमा जिप दुर्घटना हुँदा ६ जनाको मृत्यु भएको छ । जिल्लाको ईस्मा गाउँपालिका–४ हुलबाट सदरमुकाम तम्घास आउँदै गरेको लु १ ज ११६६ नम्बरको जिप दुर्घटना हुँदा ५ जनाको घटनास्थलमै तथा एक जनाको उपचारका क्रममा ज्यान गएको हो ।
जिल्ला प्रहरी कार्यालय गुल्मीका अनुसार जिप एक्कासी अनियन्त्रित भई सडकबाट करिब ४ सय मिटर तल खस्दा दुर्घटना भएको हो । जिप दुर्घटनामा परि इस्मा गाउँपालिका–४ का वर्ष ६५ का डम्मर बहादुर हितान, बर्ष ३३ का शिब बहादुर दर्लामी, वर्ष ३० को बसन्त दर्लामी, बर्ष ३३ का धन बहादुर अछामी, मालिका गाउँपलिका –५ का बर्ष ८० की सुन्दरी थापाको घटनास्थलमै मृत्यु भएको हो ।
इस्मा गाँउपालिका–४ हुलका बर्ष १९ का फर्सुराम थापाको उपचारको क्रममा जिल्ला अस्पताल तम्घासमा मृत्यु भएको जिल्ला प्रहरी कार्याृलय गुल्मीले जानकारी दिएको छ । दुर्घटनामा परि सोही स्थानका बर्ष २८ की सरस्वती दर्लामी, बर्ष २६ का कमल हितान घाइते हुनुभएको छ । सवारी चालक इस्मा गाँउपालिका ७ सैया बस्ने बर्ष २४ को बुद्द बस्नेतलाई प्रहरीले नियन्त्रणमा लिएको जिल्ला प्रहरी कार्यालय गुल्मीले जनाएको छ ।