थप १७०३ जनामा संक्रमण, १२३६ जना सङ्क्रमित निको

काठमाडौं । पछिल्लो २४ घण्टामा कोरोनाभाइरसका संक्रमित १ हजार ७०३ जना थपिएका छन् । स्वास्थ्य तथा जनसंख्या मन्त्रालयका अनुसार नेपालमा कुल सङ्क्रमितको संख्या २ लाख २९ हजार ३४३ पुगेको छ ।
मन्त्रालयका अनुसार पछिल्लो २४ घण्टामा १ हजार २३६ जना सङ्क्रमित निको भएका छन् । हालसम्म निको हुनेको संख्या २ लाख ९ हजार ४३५ जना पुगेको छ । हाल १७ हजार २३७ जनामा भाइरसको सङ्क्रमण सक्रिय छ ।
मन्त्रालयले पछिल्लो २४ घण्टामा २३ जना सङ्क्रमितको मृत्यु भएको छ । हालसम्म नेपालमा कोरोना सङ्क्रमणबाट एक हजार ४३५ जनाको मृत्यु भएको मन्त्रालयले जनाएको छ ।
मन्त्रालयका अनुसार पछिल्लो २४ घण्टामा १० हजार ४६० जनाको आरटीपीसीआर परीक्षण गरिएको थियो । हालसम्म १७ लाख दश हजार ४६० जनाको पीसीआर परीक्षण भएको छ । हाल ६०१ जना क्वारेन्टिनमा रहेको मन्त्रालयले जनाएको छ ।