‘कुुली नम्बर वान’ मा वरुण र सारा मुख्य भूमिकामा

काठमाडौं । फिल्म कुली नम्बर वानको ट्रेलर सार्वजनिक गरिएको छ । कमेडीले भरिपूर्ण फिल्ममा वरुण धवन र सारा अली खान प्रमुख भूमिकामा छन् । ट्रेलरमा वरुण धवन अलग–अलग चरित्रमा देखिएका छन् । त्यस्तै, सारा अली खानको कमेडी र क्युटनेस दुुबै उत्कृष्ट देखिएको छ ।
ट्रेलर हेरेपछि निर्देशक डेभिन धवनले फिल्मलाई मनोरञ्जनात्मक बनाउन कुनै कसर बाँकी राखेका छैनन् भन्ने स्पष्ट हुन्छ । फिल्ममा परेश रावलले सारा अली खानका बाबुको भूमिका निभाएका छन् । त्यस्तै, जोनी लिवरको कमेडीले पनि निकै हसाउँछ ।
यो फिल्म १ मेईमै सिनेमा घरमा रिलिज हुने तय थियो, तर कोरोना भाइरसका कारण रिलिज मिति स¥यो । यद्यपी, अब फिल्म निर्माताले ओटीटी प्लेटफर्म अमेजन प्राइममार्फत यो फिल्म रिलिज गर्ने निर्णय लिएका छन् ।
फिल्ममा जावेद जाफरी, राजपाल यादवलगायतका कलाकारहरु पनि छन् । २५ डिसेम्बर २०२० मा अमेजन प्राइम भिडियोमा फिल्म कुली नम्बर वान रिलिज हुनेछ । १९९५ मा प्रदर्शनमा आएको ‘कुली नम्बर वान’ को रिमेक हो, अहिलेको फिल्म । गोविन्दा र करिश्मा कपूर यसअघि मुख्य भूमिका थिए । यस फिल्मलाई पनि डेविड धवनले नै निर्देशन गरेका थिए ।
यद्यपी, अहिलेको फिल्म पुरानो फिल्मभन्दा केही फरक हुने वरुणले एक अन्तर्वार्ताका दौरान बताएका थिए ।