थपिए १२५५ सङ्क्रमित, २५ जनाको मृत्यु

काठमाडौं । नेपालमा पछिल्लो २४ घण्टामा कोरोना भाइरसका १ हजार २५५ जना सङ्क्रमित थपिएका छन् । स्वास्थ्य तथा जनसंख्या मन्त्रालयका अनुसार नेपालमा सङ्क्रमितको कुल संख्या २ लाख ३१ हजार ९७८ पुगेको छ ।
मन्त्रालयका अनुसार हालसम्म १ लाख ५१ हजार ४९७ जना पुरुष र ७९ हजार २२६ जना महिलामा संक्रमण भएको छ । हाल १७ हजार ९०९ जनामा भाइरसको सङ्क्रमण सक्रिय छ ।
मन्त्रालयका अनुसार पछिल्लो २४ घण्टामा १ हजार ४०४ जना सङ्क्रमित निको भएका छन् । यो समेत गरेर निको हुने संक्रमितको संख्या २ लाख १२ हजार २५९ जना पुगेको छ । नेपालमा कोभिड–१९ को संक्रमणमुक्त हुने दर ९१।५ प्रतिशतमा उक्लेको मन्त्रालयले जनाएको छ ।
त्यस्तै पछिल्लो २४ घण्टामा २५ जना सङ्क्रमितको मृत्यु भएको मन्त्रालयले जनाएको छ । हालसम्म नेपालमा कोरोना सङ्क्रमणबाट एक हजार ४७९ जनाको मृत्यु भएको मन्त्रालयले जनाएको छ ।
पछिल्लो २४ घण्टामा ९ हजार ९०८ जनाको आरटीपीसीआर परीक्षण गरिएको थियो । हालसम्म १७ लाख २७ हजार ८३८ जनाको पीसीआर परीक्षण भएको छ ।