थप १४७४ जनामा कोरोना संक्रमण, १९३१ जना संक्रमणमुक्त, २९ जनाको मृत्यु

काठमाडौं । नेपालमा पछिल्लो २४ घण्टामा १ हजार ४७४ जना कोरोना संक्रमित भेटिएका छन्। योसँगै नेपालमा कुल संक्रमितको संख्या २ लाख ३३ हजार ४५२ पुगेको स्वास्थ्य तथा जनसंख्या मन्त्रालयले जनाएको छ ।
त्यस्तै २४ घण्टामा १ हजार ९३१ जना कोरोना संक्रमणमुक्त भएका छन् । योसँगै निको हुनेको संख्या २ लाख १४ हजार ५२१ पुगेको छ।
मन्त्रालयका अनुसार नेपालमा हाल १७ हजार ४२३ जना सक्रिय संक्रमित छन्।
त्यस्तै २४ घण्टामा थप २९ जना कोरोना संक्रमितको मृत्यु भएको छ। योसँगै कोरोना संक्रमित मृतकको संख्या १ हजार ५ सय ८ पुगेको मन्त्रालयले जनाएको छ ।
नेपालमा हालसम्म १७ लाख ३७ हजार ७४७ जनाको पिसिआर परीक्षण भएको छ। हाल क्वारेन्टाइनमा ५३५ रहेको मन्त्रालयले जनाएको छ।