थप १३०४ जनामा संक्रमण, २०७३ निको भए, २१ को मृत्यु

काठमाडौं । नेपालमा पछिल्लो २४ घण्टामा १ हजार ३०४ जना कोरोना भाइरसका संक्रमित थपिएका छन् ।
स्वास्थ्य तथा जनसंख्या मनत्रालयका अनुसार नेपालमा कोरोना संक्रमितको संख्या २ लाख ३३ हजार ४५२ पुगेको छ ।
त्यस्तै पछिल्लो २४ घण्टामा २ हजार ७३ निको भएका छन् । योसँगै निको हुनेको संख्या २ लाख १६ हजार ५९४ पुगेको छ । मन्त्रालयका अनुसार हाल १६ हजार ६३३ जनामा भाइरस सक्रिय रहेको छ ।
त्यस्तै गत २४ घण्टामा कोरोना संक्रमणबाट २१ जनाको मृत्यु भएको मन्त्रालयले जनाएको छ। योसँगै संक्रमणका कारण मृत्यु हुनेको संख्या १ हजार ५२९ पुगेको छ।