थप १२७२ जनामा कोरोना संक्रमण, १६ जनाको मृत्यु

काठमाडौं । पछिल्लो २४ घण्टामा १ हजार २७२ जनामा कोरोनाभाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयले दिएको जानकारी अनुसार आज थपिएका समेत गरेर नेपालमा सङ्क्रमितको कुल संख्या २ लाख ३८ हजार ८६१ पुगेको छ ।
त्यस्तै पछिल्लो २४ घण्टामा १ हजार ५७५ जना सङ्क्रमित निको भएको मन्त्रालयले जनाएको छ । हालसम्म २ लाख २१ हजार ८४७ जना सङ्क्रमित निको भइसकेका छन् ।
हाल १५ हजार ४४७ जनामा भाइरसको सङ्क्रमण सक्रिय रहेको मन्त्रालयले जनाएको छ ।
पछिल्लो २४ घण्टामा ८ हजार ३१ जनाको परीक्षण गरिएको र हालसम्म १७ लाख ७१ हजार ९५० जनाको पीसीआर परीक्षण गरिएको मन्त्रालय जनाएको छ । मन्त्रालयले हाल ६३७ जना क्वारेन्टिनमा रहेको जनाएको छ ।
त्यस्तै पछिल्लो २४ घण्टामा १६ जना सङ्क्रमितको मृत्यु भएको मन्त्रालयले जनाएको छ । हालसम्म नेपालमा कोरोना सङ्क्रमणबाट १ हजार ५६७ जनाको मृत्यु भएको छ ।