चलचित्र ‘क्याप्टेन’ युटुबमा (भिडियो सहित)

काठमाडौं । चलचित्र ‘क्याप्टेन’ युटुबमा रिलिज गरिएको छ । ओएसआर डिजिटल नामक युटुब च्यानलबाट यो चलचित्र सार्वजनिक भएको हो । नायक अनमोल केसी अभिनित यो चलचित्र करिब २ बर्ष अगाडि हलमा रिलिज भएको थियो । हलमा औषत व्यापार गरेको यो चलचित्रले युटुबमा राम्रो दर्शक पाइरहेको छ ।
भूवन केसीको लगानीमा तयार भएको यो चलचित्रलाई दिवाकर भट्टराइले निर्देशन गरेका हुन् । चलचित्रमा अनमोल केसी, उपासना सिंह ठकुरी, प्रियंका एमभी, सुनिल थापा, सरोज खनाल, विल्सन विक्रम राई, प्रशान्त ताम्राकार लगायतका कलाकारको अभिनय छ ।
फुटबलको कथामा केन्द्रित यो चलचित्रमा नायक अनमोल केसी फुटबलरको भूमिकामा देखिएका छन् भने नायिका उपासना सिंह ठकुरी यही चलचित्रबाट यो क्षेत्रमा प्रवेश गरेकी हुन् ।