थप १ हजार ३८२ सङ्क्रमित, २३ जनाको मृत्यु

काठमाडौं । पछिल्लो २४ घण्टामा १ हजार ३८२ जना सङ्क्रमित थपिएका छन् । आज थपिएका समेत गरेर नेपालमा कुल सङ्क्रमितको संख्या २ लाख ४३ हजार ३७७ पुगेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ८ हजार ९४७ जनाको आरटी पीसीआर नमूनाको परीक्षण गरिएको थियो । हालसम्म १७ लाख ९९ हजार ६८६ जनाको पीसीआर परीक्षण भइसकेको छ । हाल १२ हजार ६८६ जनामा भाइरसको सङ्क्रमण सक्रिय छ ।
त्यस्तै पछिल्लो २४ घण्टामा १ हजार ६२१ जना सङ्क्रमित निको भएका छन् । हालसम्म निको हुनेको संख्या २ लाख २९ हजार ५४ जना पुगेको छ ।
केही दिनदेखि सङ्क्रमित निको हुने दर बढिरहेको मन्त्रालयले जनाएका छ । हाm कोरोना भाइरसबाट निको हुने दर ९४.११ प्रतिशत पुगेको छ ।
त्यस्तै पछिल्लो २४ घण्टामा २३ जना सङ्क्रमितको मृत्यु भएको मन्त्रालयले जनाएको छ । हालसम्म नेपालमा कोरोना सङ्क्रमणबाट मृत्यु हुनेको संख्या १ हजार ६३७ जना पुगेको छ ।