थप ५३४ जना सङ्क्रमित, ९ जनाको मृत्यु

काठमाडौं । नेपालमा पछिल्लो २४ घण्टामा ५३४ जना कोरोना भाइरसका संक्रमित थपिएका छन् । योसँगै नेपालमा कुल सङ्क्रमित २ लाख ६० हजार ५९३ पुगेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ४४७ जना सङ्क्रमित निको भएका छन् । निको भएकाहरुको संख्या २ लाख ५२ हजार ३५९ पुगेको छ । नेपालमा कोरोना संक्रमित हुने दर ९६।८४ प्रतिशत छ । मन्त्रालयका अनुसार हाल ६ हजार ३ सय ७८ जनामा भाइरसको सङ्क्रमण सक्रिय छ ।
पछिल्लो २४ घण्टामा ६ हजार आरटीपीसीआर परीक्षण गरिएको थियो । हालसम्म १९ लाख ३२ हजार ४७७ जनाको आरटीपीसीआर परीक्षण गरिएको छ ।
त्यस्तै पछिल्लो २४ घण्टामा ९ जना सङ्क्रमितको मृत्युको पुष्टि भएको छ । हालसम्म नेपालमा कोरोना सङ्क्रमणबाट एक हजार ८५६ जनाको मृत्यु दर्ता गरिएको छ ।