‘सडकछाप’ नेकपामा को–को बस्छन्, हेरौला : माधव नेपाल

काठमाडौं । नेकपा (प्रचण्ड–माधव समूह)का अध्यक्ष माधवकुमार नेपालले केपी शर्मा ओली नेतृत्वको नेकपालाई ‘सडकछाप’को संज्ञा दिएका छन् ।
राजधानीमा आज आयोजित कार्यकर्ता भेलामा बोल्दै नेता नेपालले ओली समूह कम्युनिस्ट सोंच र संस्कृति नभएको आरोप लगाउँदै केन्द्रीय सदस्यको संख्या २५०० पुर्याएपनि वास्तविक केन्द्रीय सदस्य ११८ जना रहेको दावी गरे । पार्टी एकता हुँदाका ४४१ मध्ये बाँकी सवै आफू नेतृत्वको नेकपामा रहेको बताए ।
ओलीलाई उनी भन्दा उमेरले जेठो स्थायी कमिटी सदस्यले पनि खुट्टामा ढोक्ने गरेको बताउँदै नेता नेपालले लोभलालचमा परेर ओलीतिर गएकाहरु अराजनीतिक, दास र सामन्ती चिन्तन भएको आरोप लगाए ।
ओली एकदिन सबै हिसाबले एक्लिने दावी गर्दै नेता नेपालले केपी ओली निरीह भएको देख्ने इच्छा रहेको बताए ।
अहिलेको लडाइँ संविधान जोगाउने र लोकतन्त्रलाई रक्षा गर्नु रहेको उनले वताएका छन् ।