ब्राउन सुगरसहित दुई जना पक्राउ
झापा । झापा जिल्लाको मेचीनगर नगरपालिका ६ मेचीपुल डाँडा इलाकाबाट माघ ५ गते एपीएफ टोलीले ५० ग्राम ८ सय ४० मिलिग्राम ब्राउन सुगरसहित दुई जनालाई पक्राउ गरेको छ ।
पक्राउ पर्नेहरुमा पाचथर जिल्लाको अमरपुर ६ बस्ने २७ बर्षिय अरुण सुब्बा लिम्वु र सुनसरी जिल्लाको महेन्द्रनगर नगरपालिका ४ बस्ने २४ वर्षिय ईश्वर थापा छन् ।
सशस्त्र प्रहरी बल, नेपाल फरवार्ड सुरक्षा वेश मेचीपुलबाट खटिएको एपीएफ टोलीले शंका लागि जाँच गर्दा उनीहरुको साथमा उल्लेखित परिमाणको ब्राउन सुगर फेला परेपछि पक्राउ गरिएको हो ।
पक्राउ परेकाहरुलाई बरामद ब्राउन सुगरसहित आवश्यक कारवाहीको लागि ईलाका प्रहरी कार्यालय काँकडभिट्टामा बुझाईएको छ ।