थप ३३९ जना संक्रमित, ९८.५ प्रतिशत निको

काठमाडौं । नेपालमा पछिल्लो २४ घण्टामा कोरोना भाइरसका संक्रमित ३३९ जना थपिएका छन् । स्वास्थ्य तथा जनसंख्या मन्त्रालयका अनुसार नेपालमा कोरोनाका कुल सङ्क्रमितको संख्या दुई लाख ६९ हजार ७८९ पुगेको छ ।
पछिल्लो २४ घण्टामा ४०१ जना सङ्क्रमित सङ्क्रमणमुक्त भएको मन्त्रालयले जनाएको छ । नेपालमा कोरोना निको हुनेको संख्या दुई लाख ६४ हजार ५३८ पुगेको छ । नेपालमा कोरोना निको हुनेको प्रतिशत ९८.०५ पुगेको छ ।
यस्तै २४ घण्टामा १० जना सङ्क्रमितको मृत्यु भएको छ । सो सँगै मृतकसँगै नेपालमा कोभिडबाट मृत्यु हुने २ हजार ११ जना पुगेका छन् ।
हाल तीन हजार २४० जनामा भाइरसको सङ्क्रमण सक्रिय रहेको मन्त्रालयले जनाएको छ ।