थप १ सय ५९ जना कोरोना सङ्क्रमण, मृत्यु शून्य

काठमाडौँ । पछिल्लो २४ घण्टामा कोरोना भाइरसका संक्रमित १ सय ५९ जना थपिएका छन् । योसँगै नेपालमा हालसम्म कोरोना भाइरसबाट सङ्क्रमित हुनेको सङ्ख्या २ लाख ७१ हजार १ सय १८ पुगेको छ ।
स्वास्थ्य तथा जनसंख्या मन्त्रालयका अनुसार २ सय ६४ जना निको भएका छन् । योसँगै हालसम्म कोरोना सङ्क्रमणबाट निको हुनेको सङ्ख्या २ लाख ६६ हजार ६ सय पुगेको मन्त्रालयले जनाएको छ । मन्त्रालयले दिएको तथ्याङ्क अनुसार ९८ दशमलव ३ प्रतिशत सङ्क्रमित निको भइसकेका छन् ।
यस्तै २ हजार ४ सय ८९ जना सक्रिय सङ्क्रमित मध्ये १ सय २८ जनाको आइसियु र २२ जनाको भेण्टिलेटरमा उपचार भइरहेको मन्त्रालयले जनाएको छ ।
त्यसै गरी कोरोना सङ्क्रमणका कारण पछिल्लो २४ घण्टामा कसैको मृत्यु नभएको मन्त्रालयले जनाएको छ ।