थप १७१ जना सङ्क्रमित, २२७ निको

काठमाडौं । नेपालमा पछिल्लो २४ घण्टामा कोरोना भाइरसका १७१ जना सङ्क्रमित थपिएका छन् । स्वास्थ्य तथा जनसंख्या मन्त्रालयका अनुसार नेपालमा कोरोनाका कुल सङ्क्रमितको संख्या दुई लाख ७१ हजार ६०२ जना पुगेका छन् ।
पछिल्लो २४ घण्टामा ३ हजार ९०७ जनाको पीसीआर परीक्षण गरिएको जनाउँदै मन्त्रालयले हालसम्म २० लाख ८५ हजार ५७३ वटा पीसीआर परीक्षण भइसकेको जनाएको छ ।
त्यस्तै २२७ जना सङ्क्रमित सङ्क्रमणमुक्त भएका छन् । योसँगै नेपालमा कोरोना निको हुनेको संख्या दुई लाख ६७ हजार २९२ जना पुगेको छ । नेपालमा कोरोना निको हुनेको प्रतिशत ९८.४१ मा उक्लेको छ ।
हाल २ हजार २७७ जनामा भाइरसको सङ्क्रमण सक्रिय रहेकाले आइसोलेशनमा बसेर उपचार भैरहेको छ । क्वारेन्टिनमा ९२ जना मात्र रहेको मन्त्रालयले जनाएको छ ।
त्यस्तै पछिल्लो २४ घण्टामा २ जना सङ्क्रमितको मृत्यु भएको छ भने हालसम्म २ हजार ३३ जनाको मृत्यु भैसकेको छ ।